Я, ХОДАЕМ, АРТЫК КҮРМӘЧЕ

Дөнья мәшәкатен бергә күрдек.
Шатлыклары бигрәк аз икән.
Сөю генә түгел, кайгысын да
Уртаклашкан кешем син икән.

Кушымта:
Киләчәктә булсын балаларның
Бәхетләрен бергә күрәсе.
Сабырлыкка тулган мәхәббәтне
Я, Ходаем, артык күрмәче.

Кайчагында, көннәр яктысында
Караңгы төн итеп санадык,
Авыр чакта тешләр кысып түздек,
Мәхәббәтне, гүя, сынадык.

Кушымта

Гади хатын булган өчен сөйдем,
Күңелемнән яздым сүзләрем.
Җырларымны сиңа багышладым,
Сандугачлар язды көйләрен.

Кушымта