Йолдыз бүләк итмим, чөнки буем җитми,
Бүләк итәм сиңа чын сөю.
Әгәр булсак бергә, кайгың булмас бер дә,
Урап узар яну һәм көю.

Кызлар бирсә сәлам, сиздермичә алам,
Ошап бетмәс диеп үзеңә.
Карашыңнан сизәм, син күптәннән сизгән-
Көнләшүең чыккан йөзеңә.

Әгәр булсаң җилкән, мин кем булыйм икән?
Булыйм микән әллә җил-давыл?
Юк,мин давыл булмам,җиңалмассың,алмам,
Давылда җилкәнгә бик авыр.