Беларуская народная песня

 Кучаравая дзяўчынка,
 Дзе ты завівалася?
 Я ішоў, а ты стаяла,
 Ты мне спадабалася.
 Твае словы, як замовы,
 Як салодзенькі мядок,
 Я ж бы слухаў іх і слухаў
 Кожну ночку і дзянёк.

 А сягоння тыя словы 
 Сталі горкія, як дым,
 Бо я знаю, што гуляеш
 Ты з малойчыкам другім. 

 Што ў Валодзі ў агародзе
 Расцвітае белы мак.
 Ўсе рабяты пажанаты,
 А Валодзя ходзіць так.
 Не табой трава памята,
 Не табе яе касіць,
 Не табой дзеўка занята,
 Не табе яе любіць.