Атлар эйярләдем нә мин китәргә, Зәнейем, сылуым,
Кердем дәлә киңәшләр итәргә;

Бирмәделәр киңәшләр, ай китәргә, Зәнейем, сылуым,
Инде генә ней хәлләр итәргә. (2)

Атларымны җиктем нә, мин китәргә, Зәнейем, сылуым,
Белмим генә ней хәлләр итәргә, (2)

Ачкан китап битендә aйткән дәлә Зәнейем, сылуым,
Aйткән җазыуында ла китәргә. (2)

Аршын гына ярым най, аклар ука, Зәнейем, сылуым,
Акбүз аткайларга лай дилбегә; (2)

Эямне дей Гөмбәйнең буйларында, Зәнейем, сылуым,
Тауышларым калсын най билгегә. (2)

Тәрәзәләр ачтым да мин сызгырдым, Зәнейем, сылуым,
Болын печәннәре дә кипсен, дип (2);

Туганнарга сәламнәр мин җибәрдем, Зәнейем, сылуым,
Иртәгә дә генә лә җитсен, дип (2).