Цемра, людзі ўстаюць з ложкаў,
Людзі п’юць цёплую каву,
Людзі ідуць на працу,
Каб адбыць там свой час
І рушыць дамоў.

Дай мне веры, дай надзею,
Дай знак таго, што гэта патрэбна табе,
Дай мне веры, дай, дай надзею,
Дай знак таго, што гэта патрэбна табе.

Цемра. Людзі прыходзяць з працы,
Людзі здымаюць адзеньне,
Людзі кладуцца ў ложкі
І кахаюць адзін аднога
Ці самі сабе.

Дай мне веры, дай, дай надзею,
Дай знак таго, што гэта патрэбна табе,
Дай мне веры, дай надзею,
Дай знак таго, што гэта патрэбна табе.

Не, не трэба ніякіх знакаў
І веры не трэба, а толькі,
А толькі крыху надзеі,
Каб не памерці тут ад дзіўнай хваробы.

Першая фаза, якой
Агульная млявасьць,
Другая фаза, якой
Страта веры ды сэнсу,
Трэцяя фаза - 
Сьмерць і труна,
Чацьвертая фаза - 
Глеба і цемра.

Цемра. Людзі ідуць на працу,
Людзі прыходзяць з працы,
Людзі ідуць на працу,
Людзі прыходзяць з працы,
Людзі ідуць на працу,
Людзі прыходзяць з працы.