Сэ а махуэм кхъухь тедзап1эм сыкъы1ук1ри сыкъежьат,
Къуэ ещанэм сыкъэсауэ зы шу къак1уэу сыхуэзат,

Жьак1эм нэпсыр къыщыпыт1к1ум сэлам тыгъуэр изохьэл1эр,
Сыкъогубжьри :"Л1ы и хьэлкъым !" жыс1эу щ1алэм сыхуохъущ1эр.

"Зы лъэбакъуэщ уэ уи нэпсыр плъэгъужынум къыпхуэнар"
Жи1эщ шуми, си лъэужьыр, И гъуэгуанэу щ1эпхъуэжащ.

Сэ къызочыр а лъэбакъуэр, бгъуэнщ1агъ гуэрым сырохьэл1эр,
Л1ауэ щылъыр щ1егъу щэныкъуэм, л1эуэ щылъыр абы хубжэм,
Зы щитху хъуну къыщ1эк1ынт,

Зи джэнэбгъэр фыщ1а АНЭМ И нэр къаплъэу псэр щинат,
Зи псэм еджэ и сэбийри зэса бгъафэм щ1эгъуэлхьат,

Нэсыпыншэу къалъхуа ц1ык1ур шхэну хуеищи хок1иик1ыр,
Зи псэр пыту ар зэхаххэм я нэр плъагъу къоузык1ыр,

Т1эк1у щэ1ужри 1эуа ц1ык1ум и нэц1ык1ухэр щ1илъэфащ,
Сэри щ1ак1уэр зэнэ зэкъуэм хьэдэ тепхъуэ яхуэсщ1ащ,

Шум жи1ауи сэ си нэпсыр щ1ак1уэм тетуи слъэгъужащ,
Мис абдежым сиувык1ри сэ тхьэл1анэ быдэу сщ1ащ,

Къызэда1уэр акъыл зи1эр Истэмбылак1уэм къезгъэлыну,
Емынэ узыр зыхэхьэжауэ зэхэк1уэдэжыр ХЭКУМ ик1ахэрщ,

И нэхъыбит1ыр хыр къэукъубеири бдзэжьем и 1усу хэк1уэдэжахэщ,
Къэнэжа т1эк1ур мы къуак1э -бгык1эм дэвубыдауэ дывогъэл1ыхьыр,

Фэ ит1ани фи тхьэл1анэщ дэ ди ц1ыхухэр ф1ыуэ флъагъу,
Бгырыс лъэпкъу щы1э псоми, ф1ы къаихъул1эу фэ фи гуапэу,

Ар апхуэдэу щытыр пэжмэ, зылъэмык1хэр щыхэк1уадэм,
Ди ц1ыхубзхэр шыпл1э жьагъэу хъан беигуэлхэм щызырапхъуэм,

Хэт и хьэдэ фэ вгъеяр, ле къыттехьэу сыт щ1эвдар,
Хьэпэщыпхэ биим яхуэхъу сыт фэ дыуэ щ1эвмытхар,

Зэм Щэмелым, зэм пэщтыхьым, зэм нэгъуэщ1хэм фарил1ык1уэщ,
Дэну п1эрэ фэ ц1ыху гъапц1эу емынэжьхэм фи къежьап1эр,

Хэт и хабзэм тедухуэну фэ фи хьэдэм и щ1элъхьэк1эр,
Сын фхуэтщ1ынут блащхьэ ф 1эту щ1ым ар хэтсэм щ1ыр гызынущ,

М1афэ щ1эдзырэ фыхедгъасхьэм уз хэк1ынущ фи жьэрымэм,
Ар псом нэхърэ нэхъ фхуэфащэщ, 1ус фахуэхъум пспц1э блэжьхэм,

Ц1ыху нэлатыр зытехуауэ щхъухьыр щхъухьым хырек1уадэ,
Зи губамп1эр мыт1ысахэм, фэ фи яужьыр яхухъу махуэ.