Йöратем  мый  тыйым,  пелашем
Семже  С.Пчёлкинын
Мутшо  Л.Соколова

Йöратем  мый  тыйым  йÿштö теле  годым.
Ош ужгам  чиялын, мый  декем  вашкет.
Йÿштö  Кугыза  гай  шергакан  пöлекым,
Шÿм  гыч  лекше  мутым,  мыланем  ойлет.
Припев: Тый  дечет  посна  мый  иленжат  ом  мошто.
Воктенем  лият  гын,  кече  гай  ырем.
А  шыма  йÿкетшым  нигунам  ом  мондо,
Ӱмыр  мучко  колышт,  йöратен  илем.

Йöратена  коктын  пеледалтше  шошым,
Кидым  ваш  кучалын,  сер  воктен  кошташ.
Молан  пеленетше  йöратем  эр  марте
Шÿшпык  муро  йÿкым  иктеш  колышташ?
Припев:

Чевер  кеҥеж  кечын  ÿжаран  волгалтмым,
Эскераш  моткочак  мые  йöратем.
Лай  мардеж  пуалын,  аҥырта  вуйнажым,
Шокшынек  шÿмнажым  курымлан  ушен.
Припев: Тый  дечет  посна  мый  иленжат  ом  мошто.
Воктенем  лият  гын,  кече  гай  ырем.
А  шыма  йÿкетшым  нигунам  ом  мондо,
Ӱмыр  мучко  колышт,  йöратен  илем.