Оранымның оргаадайы – 
Орлан-шоваа эреспейим.
Дамырактың сымыраныы,
Чараш үннүг матпадагым.

Ажыл-ишчи судалымның
Агымы дег сүлдем болган.
Хойтпак ижер төлүм сеңээ
Кымдан эргим ынак-тыр мен.

Кожумаа:
Оглум, оглум, сени чаптааш,
Омак-сергээм хайныгып чор.

Аваң өскен кавайынга
Ааттынып өстүң, оглум.
Хорагайның чечээ ышкаш,
Ховар боттуг доруктуң-на.

Кожумаа:
Оглум, оглум, сени чаптааш,
Омак-сергээм хайныгып чор.