Сиккиэр тыал, сиккиэр тыал,
Сиксийэр сиккиэр тыал,
Сэһэргээриий эн миэхэ,
Сэргээн истэр киһиэхэ.

Тоҕо, туоххун сүтэрэн
Түбүгүрэҕин түүннэри,
Сири сиксигинэн
Сылайбакка сиэлэҕин?

Оо, элбэҕи да көрдөҕүҥ,
Сиккиэр тыал,
Оо, үгүһү да эн биллэҕиҥ.

Ситэн ааһар сиккиэр тыал,
Сиксийэр сиккиэр тыал,
Сэһэргээ…

Туохтан үөрэр эбиттэрий,
Туохтан хомойор буолалларый?
Сэһэргээ эн миэхэ, сиккиэр тыал,
Сэргэхситэ таарыччы миигин.

Сиккиэр тыал, намылыйыма,
Сиксийэргин ууратыма,
Хоһум иһин чуумпурдума,
Кулгаахпын чуҥкутума.