уларытыллыбыт Семен Данилов хоһооно "МИН ДОЙДУМ"  
музыката Алексей Егоров

Бу далай, бу халлаан сарыала,
Сүрэҕи угуттуур күөх салгын,
Бу уйгу ыһыаҕын чараҥа,
Барыта эн эбээт, мин дойдум!
Барыта мин дойдум - Сахам Сирэ 

Бу өлгөм үүнүүлээх алаастар,
Бу саһыл сыһыылар, толооннор,
Бу көмүс үктэллээх хайалар,
Барыта эн эбээт, мин дойдум!
Барыта мин дойдум - Сахам Сирэ

Бу мичил күн түһэн саатаабыт
Киэҥтэн киэҥ уорҕалаах сир-дойду,
Бу "кэхтэр" — диэн тылы сатаабат
Барыта эн эбээт, мин дойдум!
Барыта мин дойдум - Сахам Сирэ

Yлүскэн үөрүүбут - бу дьолбут 
Бу айар үлэбит этиҥэ,
Бу ыллыыр ырыабыт көмүһэ —
Барыта эн эбээт, мин дойдум!
Барыта мин дойдум - Сахам Сирэ