Чуртталганың бергезин
Шупту бистер билир бис.
Ынчалза-даа, ынакшыл -
Ынаныштыг даяңгыыш.
Кайыын сырын хадыырын
Канчап кижи билир боор.
Кымның канчаар чурттаары
Күжүр боттан хамааржыр.

Бүзүрелдиг ынакшыл
Бүрүлер дег тоглавас.
Чайын, кыжын, күзүн-даа
Чанывыстан ыравас.

Өртемчейниң үүлези
Өөрүң эжиң сүмези.
Чырык черге чаяаган
Чаңгыс чурттаар чуртталга.
Шынның оруу - бүзүрел,
Сыныш чогу - демисел.
Чалыы назын чуртталга
Чалар от дег ынакшыл.

Бүзүрелдиг ынакшыл
Бүрүлер дег тоглавас.
Чайын, кыжын, күзүн-даа
Чанывыстан ыравас.

Бүзүрелдиг ынакшыл
Бүрүлер дег тоглавас.
Чайын, кыжын, күзүн-даа
Чанывыстан ыравас.