"Мин бөрөбүн" (Омук Уолун т., Р. Хон м.) Майя Винокурова

1. Түлүк түүлү ылынан соҕотох сур бөрөбүн
Ыҥырар ый суолунан сундулуйан иhэбин
Дьонтон-сэргэттэн саhан саҥата суох сылдьабын
Хараҥаны батыhан хара тыаны батабын

Х/ы Мин киhибин дэнэбин
Онтон бүгүн бөрөбүн
Хайа да аймахтарбын атыҥырыы көрөбүн
Бэйэбэр эрэнэбин, туолбут ыйга үҥэбин
Бу сир үрдүн олоҕун атын өттүн сүүрэбин

2. Хайа охсор сүрэҕим хааны көрөн уоскуйар
Хайыр таастаах хайаҕа кутум-сүрүм хорҕойор
Дьоннор миигин батыhымаҥ, мин суолбунан барымаҥ
Ыйдаҥаҕа туртайан суолум ньуурун батыhан