"Көмүс ый" (Г. Фролова т., А. Николаев-Эрхаан м.) Ирена Файрушина

1. Киэhээҥҥи халлаан күөх күөнүгэр
Көмүс ыйы көрө түстэрбин
Күндү доҕорбун булбут тэҥэ
Кэмэ суох долгуйа үөрэбин
Көмүс ый эн устар буоларыҥ
Оҕо саас түүҥҥү халлааныгар
Тунал сырдык уоту кутаары
Санаам алыптаах дойдутугар

Х/ы Көмүс ый, көмүс ый суолбун ый
Түлүк түүн миигин муннарбакка
Кистэлэҥ кэрэтин эн арый
Өйбүн-санаабын тумнарбакка

2. Эдэр саас бары чуумпу киэhэ
Күөлгэ түhэрбит көмүс уолан
Билигин да турар кэтэhэ
Булбатах ыра санаа буолан
Күhүөрү сайын ыйдаҥаҕа
Күөгэйэр лабааны арыйан
Көрүөхпүт долгуйа күөл ньуурун
Күлүмүрдүү күлэ оонньуурун