Ӱдыр пагыт- йорга пагыт, модын, йомо.
Шочмо сурт дек пӱгырнале шӱлык ломбо.
Сылнешталт вуем фата ден ош пеледыш.
Вет пӱралтен ӱдырлан каяш вес ешыш.

Каяш пӱралтын шке шочмо суртем коден.
Коден йолташым, модынам ондак кӧ ден.
Молан шӱмемже шыпак вургыж пералта?
Мур сем йоҥгалтше, лачак чоным шымата.

Аваем ден ачаемже кид гыч налын,
Шыманрак тупем вӱчкалын, ужаталыт.
Чон гыч лекше ойлынем мый сай шомакым.
Йӧратен куштымыштлан ойлем мый таум.

Авай проститле, мондал тый торжа мутем,
Ачай ит сыра, сугыньлал тора корнем.
Авай салалме- пиал ден ешна темеш.
Ачай куане- эргычла веҥет лиеш.

Шыргыжалын каче кидым шогалам мый,
Вожылалын ал тӱрвем гыч шупшалат тый.
Ты тӱняште кукула ит кодо шкетым.
Илышет лиям ӱшанле нал мутемым.