Бақытты да емеспін,
Бақытсыз да емеспін.
Сені көріп адастым,
Ішінен көп елестің.

Саған ғана тек бұл ән,
Айтылады деп тұрам.
Көктем түспей қойды ғой,
Көңілімде көк тұман.

Гүлназым, Гүлназым, Гүлназым,
Сені сүйіп қалғаным ба жазығым?

Көрмесем де қызғанам,
Сөйлесең де қызғанам.
Күннің түскен жүзіңе,
Сәулесінен қызғанам.

Сен де мені бір ұқшы,
Бар өкпені ұмытшы.
Мен деген де мұздаған,
Жүрегіңді жылытшы.

Гүлназым, Гүлназым, Гүлназым, назым, назым...
Сені сүйіп қалғаным ба жазығым?

Бақытты да емеспін,
Бақытсыз да емеспін.
Сені көріп адастым,
Ішінен көп елестің.

Қалай сенсең ақталам,
Кінә артпашы көп маған.
Менен артық тапсаң да,
Сенен артық жоқ маған.

Гүлназым, Гүлназым, Гүлназым, назым, назым...
Сені сүйіп қалғаным ба жазығым?