Бахсæв и. Бæстæ ныссабыр.
Иу сыбыртт нал ахсы хъус.
Арвæй цæлхыдзаг мæй дардыл
Тауы йæ сызгъæрин рухс.

Бадын та иунæгæй уаты,
Ацыд та хъуыдыты сæр.
Рог дымгæ ’рбахæссы дардæй
Хаттæй-хатт доны сæр-сæр.

Зæрдæ та дард фæндтыл дзуры,
Цу ’мæ йын исты ды зæгъ!
Гъæй-джиди, февзæр дæ цуры
Ацы сæрдыгон изæр!

Хъæлдзæгæй абад дæ фарсмæ,
Акæн зæрдæбын ныхас!
Уарзоны рухс цæстæнгасæй
Царды цин нуаз æмæ нуаз!

Зонын, ды дард ран кæмдæр дæ,
Не ’хсæн – быдыртæ ’мæ хох,
Фæлæ дæ никуы, мæ зæрдæ,
Никуы фæкæндзынæн рох!

Слова Мухарбега Кочисова 

«Музыкальная культура осетин» © 2012 [bad word] ossmus
¯¯\/¯¯¯¯¯¯¯¯¯
☻/
/▌
/ \