1. Көрсүспүппүт биhиги эйигин кытары
Соhуччу билбиппит биhиги таптыыры
Эдэр сүрэх тэбиитэ иhиллэрэ тойуктуу
Иккиэн бииргэ буолбуппут ол эрэн хойутуу
Барбытыҥ эн ыраах саха уолун хаалларан
Хаалбытым мин сайыhа таабырыҥҥа хаайтаран
Аны хаhан көрсүөмүй эйиэхэ майгынныыр мөссүөнү
Ама ханна булуомуй
Эйигиннэн эрэ сэгэрим мин олохпун олоробун
Суох бириэмэҕэр мин олуhун хомойобун
Тапталыҥ сүрэхпэр букатын иҥмитэ
Эн сылаас мичээриҥ мин дууhабын билбитэ
Сүрэҕим аанын эйиэхэ арыйыам суоҕа дуо
Ойүм-санаам, кутум-сурум эйиэхэ доҕорбор буолуо
Ананыаҕа тапталбар кэлиҥҥи хоhооннорум
Ылланыаҕыҥ ырыабар эн эрэ кэрэ холуубум

П-в Эйэҕэс сэмэй кэрэ кыыс сүрэҕим уотун уматан
Иннибэр хааман киирбитиҥ, мин олохпун сырдаппытын
Көрдөhөбүн ааттаhабын барыма миигиттэн ыраах
Таптыыбын эйигин эрэ мэлдьи куруутун ахтабын
Мн ахтабын

2. Билэбин эн сылаас тапталыҥ миигин умнуо суоҕа
Сүрэҕим бааргына көнө кэҥии туруоҕа
Туох баар буолуой эйигиттэн ураты кэрэ
Орто дойду туруу дойдуга олоҕум барыта эн эрэ
Сэрэйэ көрүмэ билэҕин таптыырбын
Бу сылаас тыллары эйиэхэ аныырбын
Сонньуйума ытатыма дууhаҕын көрдөhөбүн
Тоҕума иэдэскэр көмүс хараҕыҥ сүүрүгүн
Суох, таайабын эйигинниин дьоллоох буоларбын
Суох, сүтүмэ кыысчааным сүрэхпин хаалларабын
Көтөбүн үөhэ халлааҥҥа, дайабын ыраас санааҕа
Аллараа түhэр кэмнэрбэр тапталыҥ санатыаҕа
Харыстыам, таптыам, саныам, ыллыам, аныам
Эйиэхэ бүтэhик соҕотох бастакы санарыам
Сыллыыбын ууруубун диэн кэтэhиэм
Ис сүрэхтэн тахсар тыллары эйиэхэ мин этиэм

3. Таптыыбын эйигин
Билэбин таптыыргын
Тапталбын эйиэхэ 
Ырыанан хоhуйуом
Таптал сымыйа эбит дии санаабыппын
Дьэ билигин санаатахха олуhун диэн сыыспыппын
Олоххо бу сиргэ баар угуйар таптал эрэ
Ыарахан кэмнэр көмөлөhөр эмиэ таптал эрэ
Сатарыйбыт санааны көннөрөөрү, 
Хараҥа дьаллыгы букатын өлөрөөрү
Орто дойдуга айыллыбыта дьин таптал эрэ
Икки сүрэҕи холбуура, таайара эмиэ таптал эрэ
Сүтэримэҥ айылҕаттан бэриллибит кэрэни
Бэйэҕит утаарымаҥ кылгас быстах бириэмэни
Арахсымаҥ бэйэ бэйэҕит өрүү биир буолуҥ
Хас биирдии киhи булуо көнө бэйэтин суолун
Сыыhымаҥ, алдьатымаҥ атын киhи тапталын
Бэриллибит кистэллэри булуохха наада 
Барытын өйдөөн истиҥ, убаастааҥ тапталгытын эhиги
Харыстааҥ тапталгытын
Кусаҕан барыта кэнники
Мин ахтар доҕоруом эн эрэ.