Ильяс Аллаяров көйө
Лариса Абдуллина шиғыры

Исеңдәме ямғыр яуҙы
Ҡарағай урманында.
Юк, яуманы ул, йырланы ул,
Беҙ икеү тураһында.

Йырланы ямғыр, йырланы,
Күңелдәрҙе нурланы.
Иламһырап йыр тыңланы
Яшь ҡарағай урманы.

Күңелдәргә һеңеп ҡалды
Моңдары шул миҙгелдең.
Әллә ярһыу сағы ине
Иңдәремә түгелдең.

Йырланы ямғыр, йырланы,
Күңелдәрҙе нурланы.
Иламһырап йыр тыңланы
Яшь ҡарағай урманы.

Шул урманда яҡтыртың һин,
Һүрелгән хистәремде.
Һинең менән үтһәм ине
Ҡалған ғүмерҙәремде.

Йырланы ямғыр, йырланы,
Күңелдәрҙе нурланы.
Иламһырап йыр тыңланы
Яшь ҡарағай урманы.