Тый мыйын лийыч лач эр марте,
Ушем гыч от лек кызытат.
Нигӧм тыге мый шым йӧрате,
Мондалтын огыл ик татат.
Тӱням мондыктарен ӧндальыч,
Кузе чонемже йывыртен.
Эрден саҥгам нӧртен шупшальыч
Да маньыч: «Вучо, йыҥгыртем»
 
Пр-в: Йӧратымаш – пеледыш гаяк
          Эмганымек, вашке кошка. 
          А рвезе чон – чодырасе кайык,
          Жап толын, шокшо дек вашка.

Мый вученам коден йӱд омым,
Йол йӱкым колышт вученам.
Ала кучен мешанчык сомыл,
Удажым уш гыч поктенам.
Вучен гына илаш шым кӧнӧ,
Кеч чоным кӱрыштын шижмаш.
Шӱм тул йӧрен шинчавӱд дене,
Адак ондалыш пӱрымаш…