Сӑвви  Альбина Юратӑвӑн
Кӗвви Сергей Марковӑн 

 Пурнӑҫ

Самант - шӑпа  панӑ чи хаклӑ   парне,    
Пӗлесчӗ, туссем, пурнӑҫа хаклама.   
Васкар юратма, пулӑшма пӗр-пӗрне,
Васкар тав тума,  каҫарма, ӑнланма. 

Пайлар телее тепринпе ҫурмалла, 
Ҫынсемшӗн  пӗлер  чунпала  савӑнма.
Утар-и,    тулса   шевлепе  малалла.
Килмен ҫӗр ҫине пуҫ усма, хуҫӑлма.

Кашнин пур тӗллев, пурнӑҫлар  тивӗҫе, 
Чӗре тапнӑ чух   вӗл!  сарар   ҫуната,
Кашни пултаруллӑ,  пуҫлар  ҫӗн ӗҫе,
Кун-ҫул кӗрешӳ,  тус, упрар - и  ята.

хушса юрламалли:
Ҫак кун-ҫула  ахаль килмен эпир,  
Кашни хӑй пурнӑҫ ҫулӗпе утать.  
Умри йывӑрлӑха кулса эс сир,
Шӑпа харсӑррине  кӑна савать.