Полетів бим на край світа,
Як тот птах, що в гори літа,
Гей, в Гамерицкий край.
Лем жаль мі тя, моя хижо 
Солом’яна, жаль.

Кой в нас превелика біда,
Не можна заробиц хліба,
Гей, мушу їхать в даль.
Лем жаль мі вас, мої верхи 
Зеленії, жаль.

Ой жаль мі вас, сойки сиви,
Штом вас плекав без три зими,
Гей,ой жаль мі вас, жаль,
Бо інацей бим поїхав 
В Гамерицький край.

Ой жаль мі тя, моя страно,
Де жиют з мамічков няньо,
Гей, ой, жаль мі тя, жаль,
Хоц в нас біда, не поїду 
В Гамерицкий край.