Айлы түн, айнадайын ашық аспан,
Бақыттың жұлдызындай жымың қаққан.
Секілді не бар тәтті бұл дүниеде,
Жарасқан екі жасқа махаббаттан.

Қайырмасы:

А! Десе бұлбұл бақшадан,
Жүрекке болсын деп дауа.
Қамықпа, сұлу қалқажан,
Бақытың әлі алдыңда.
А-ха-ха-ха-ха!
Деп сайрайды ол маған.

Сайрайды бұлбұл әнін тал басында,
Айтқандай тәтті сырын жолдасына.
Дариға, төбем көкке жетер еді,
Болса егер жалғыз-ақ тең сол қасымда.