Гр. Мирес - Кьасум хуьр.

1:куплет
Зи Кьасум хуьр азиз ватан.
Игит рухвайрин я макан.
Гуьрчег рушарин я майдан.
Мадни хьурай вун авадан.

Са патахъ ви рехи дагълар,  2:раза
Са пад бегьер гудай багълар.
Чандин дарман Рычал ятар.
Вун гуьзел я зи Кьасум хуьр.
припев

Вун зи рикl вун зи чан,
Вун зи макан хайи хуьр.
Вун зи рикl вун зи чан.
Вун я зи ватан Кьасум хуьр.
2:куплет

Ви чилел алай берекат,
Чlехи бубайрин гьунар я.
Жегьил рикlерин гьерекат.
Бахтлу уьмуьррин лувар я.

Багълар - чилер я гуьлуьшан. 2:раза
Михьи булахни алаз вал
Гуьрчег вилел хьана гьейран.
Мягькем я вал гьар са инсан.

припев
Вун зи рикl вун зи чан,
Вун зи макан хайи хуьр.
Вун зи рикl вун зи чан.
Вун я зи ватан Кьасум хуьр.