ՀՊԱՐՏ ԳՆԱՑԵՔ
 
Պատերազմ եք գնում, ուրա՛խ գնացեք,
Վարդանի արյունն է ձեր մեջ, իմացե՛ք,
Նոր կազմավորված Հայոց բանակի,
Առաջին զինվորն եք, հպա՛րտ գնացեք:
 
Կրկներգ՝
Ինչքան էլ որ դժվար լինի, դիմացե՛ք,
Վախկոտն ամեն օր է մեռնում, իմացե՛ք,
Քաջերը` մեկ անգամ, փառքով, իմացե՛ք,
Հողը արյունով են պահում, իմացե՛ք:
 
Քաջերի կորստով ցավել ենք դարեր,
Հողերի կորստով` հազարամյակներ,
Այժմ շատ են մեզ պետք մեծ հաղթանակներ,
Դեպ փառք ու հաղթանակ, բարով գնացե՛ք:
 
Դուք մեր նախնյաց հողը նորից ե՛տ բերեք,
Մեր  հայկազյան փառքը նորից ե՛տ բերեք,
Մուշն ու Սասուն, Արարատը ե՛տ բերեք,
Դեպ Արցախ, Մուսա  լեռ բարո՛վ գնացեք:
 
Գուսան Հայկազուն