Энхэ жаргалай юртэмсэ
Хүг. Балхжавай, үг. Чингис Гуруевэй

Булган тала хангай хүбшэ -
Бууса оронойм омогорхол.
Унайн утаан хүхын дуунhаа
Уян сэдьхэл жэргэнэ.
Байгал далай, Мүнхэ-Саридаг - 
Буряад оронойм зэндэмэни.
Буддын суртал номын шэдеэр
Буян хэшэгынь дэлгэрнэ.

Энэ hайхан Буряад-Монголдоо
Эльгэ зүрхэнhөө дурланаб.
Эжы абын угай бэшэгтэ
Энхэ жаргалай юртэмсэ.

Арбайн таряан адуу малнууд
Атар газарайм баялиг
Эрхэ сүлөө, мүнхэ солоо
Эбтэй арадууд мандуулна.