Панжи, панжи лайме порась.
Веле песа эрь тунда,
Ожу, ожу, мазы мора
Порать колга ушедан.
Вай! Вай! Вай!
Порать колга ушедан.

Азондса, кинь тоса кельгонь,
Кочкань лаймарень кудрят.
И аф кяшендьса, кинь мельге
Сёксенда кучан кудат.
Вай! Вай! Вай!
Сёксенда кучан кудат.

Сенем сельме, виде ронга,
Тевса-шиса тёждя кядь,
Ётань шачема районга,
Аяш лацонза иля.
Вай! Вай! Вай!
Аяш лацонза иля.

Тяни веле песа порать
Панжеманц аф учендан,
А од цёрань мазы мора
Сяка марян эрь тунда.
Вай! Вай! Вай!
Сяка марян эрь тунда.