Ф. Ҡасимов һәм Ф. Ғаззалова
Һандуғас

Май тыуғас, һайрай бер һандуғас –
Моңлана күңеле тулғас.
Мин көтәм, моң араһында,
Һиндә кил – күңел яҙына.
Һин кил – күңел яҙына,
Көтәм, моң араһында.

Ҡушымта:
Һайрайҙа һандуғас, ҡояшлы май тыуғас
Һандуғас мөхәббәт йырсыһы.
Һандуғас һайрамай, болоттар таралмай –
Йәнемде һағыштар борсоһа.
Һандуғас тирәктә, моң һибә йөрәккә –
Кил бәғрем, һиндә кил тыңларға.
Тыңлайбыҙ бергәләп, донъялар түңәрәк
Һин барҙа янымда, һин барҙа.

Яп-яҡын, һайрай бер һандуғас:
Тауышы – күңел эсендә
Моңдары – йондоҙҙай һибелә,
Таңдары һиҙҙермәй килә.
Һин кил – күңел яҙына,
Көтәм, моң араһында.

Ҡушымта:
(Ике тапҡыр)
Йондоҙҙар йыһанда, күҙ асып йомғанда.
Йүгреп беҙ ғүмерҙе барабыҙ.
Һандуғас һайраһа, һин һөйөп ҡараһаң –
Төҙәлә күңелем яраһы.
Һандуғас тирәктә, моң һибә йөрәккә –
Кил бәғрем, һиндә кил тыңларға.
Тыңлайбыҙ бергәләп, донъялар түңәрәк
Һин барҙа янымда, һин барҙа.