Музыка Марата Кочкарова, стихи Азамата Суюнчева.

Келигиз  тойгъа  барайыкъ, 
Сабанчыла,  малчыла,
Андан  да  юлюш  алайыкъ 
Урунууда  алчыла.

Эжиую:
Алгъы  бурун  абезекге 
Экеу-экеу  чыгъарла,
Джашла,  къызла  бу  кёзюуде 
Джюреклерин  ачарла.

Узакъ  созулуб  тюз  тепсеу,
Той  джарылыр,  чачырар.
Джел  ургъанлай,  къуш  учханлай 
Тепсеу  эсенг,  сен  да  бар.

Эжиую.

Андан-мындан  къычырырла:
—  Къойма  марджа  оздуруб! 
Биреу а чыгъар  «къысхагъа»
Кесин  тартыб,  создуруб.

Эжиую.

Ол  ариу  къызны  аллында 
Тёгерекге  атылыр, 
Бармакъларыны учунда 
Джюрюр, ойнар, чанчылыр...

Эжиую.

«Ууатыб,  ийлеб»  санланы, 
Къууанч  эркин  этилир.
Джырны,  оюнну  тауушу 
Таудан  таугъа  эштилир.
 
Эжиую.