АНАМА
Әні: Марат Ильясов    Сөзі: Үмбетәлі  Кәрібаев

Мен кіммін деп мақтана алам,
Талапты ғып тапқан анам.
Әппақ сүтін аузыма сап,
Адал бол деп баққан анам.
    Қайырмасы:
   "Бесігінде шошиды"  деп,
   Түнде шырақ жаққан анам.
   "Бал татыған тәп-тәттім"  деп,
Көрпе қымтап жапқан анам.

Көз нұрым деп, көңіл бөліп,
Талай мехнат  тартқан анам.
Оянғанда қуансын деп,
Сылдырмағын таққан анам.
    Қайырмасы.

"Көпшіл болшы, көкешім"  деп,
Көп өсиет айтқан анам.
Сөйтіп баққан қызметіңді,
Қайткенде мен ақтай алам.
    Қайырмасы.