Светлана Яндукова- Волгыдо йӧратымаш

Тольо пагыт сай, пеледалтын май.
Коктын улына да йырваш шыма.
Пуйто ты тӱня мыланна гына
Таче тӱзлана, йывыртен мура.

Ой йӧратымаш, ший яндар памаш.
Тыйын шинчаштет волгыдо шижмаш.
Утыр шӱм кыра, чонышто мура. 
Ой йӧратымаш, тылат верч чыла.

Жап шижде эрта, ийым ий покта.
А йӧратымаш йӧрата модаш.
Тый дечет шылеш, весе дек шуэш.
Корным йомдарен, эрелан йомеш.

Илыш мундыра, лиеш чылажат.
Теле деч вара толеш шошыжат.
Шӱм йӧратымаш веле ик гана
Толеш ӱмыраш. Тудым кӧ акла?