Дидинæг ма ракал, дидинæг ма ракал —
Байхъус мæм, ма у къуырма.
Дидинæг калынæн, дидинæг калынæн 
Уалдзæг нæма ’рцыд нырма.

Уый мæм нæ байхъуыста, коммæ нæ бакасти —
Йе стыр уарзт райхæлд уæддæр.
Амонды базыртыл, амонды базыртыл
Иунæг бон калдта цæхæр.

Иннæ бон карз зымæг, урс бæхыл хъазгæйæ,
Зæххмæ фæзынди æваст.
Гъе, мæгуыр дидинæг, гъе, мæгуыр дидинæг,
Миты сæр бамыр дæ уарзт.

Хуры иу ракастæн, боны иу бахудтæй
Чи фегом афтæ æгæр?
Ау, уый куыд чи уыди? Чи хъуамæ уыдаит
Хивæнд зæрдæйæ æндæр?

Р а ц а г ъ д .

Дидинæг ма ракал, дидинæг ма ракал —
Байхъус мæм, ма у къуырма.
Дидинæг калынæн, дидинæг калынæн 
{Уалдзæг нæма ’рцыд нырма.} x2

МУЗЫКАЛЬНАЯ КУЛЬТУРА ОСЕТИН
 [bad word] ossmus
¯¯\/¯¯¯¯¯¯¯¯¯
☻/
/▌
/ \