Өзіңді көргім келіп күнде менің,
Іздеймін күн демедім, гүлдемедің.
Алтынның мақалдағы тағдырындай,
Қалайша қадіріңді білмегенмін.

Сен барда арайланар ерекше таң,
Сайрайды сарайымда ерекше ән.
Жұлдызы басқалардан ерек туған,
Сен болдың мен үшін бір ерекше жан.

Зер салсам ойларыма бірікпеген,
Зердеме сенен басқа ілікпеген.
Әйтеуір үлбіреген үмітімнің,
Үр жібі үзілмес деп үміттенем.

Сен барда арайланар ерекше таң,
Сайрайды сарайымда ерекше ән.
Жұлдызы басқалардан ерек туған,
Сен болдың мен үшін бір ерекше жан. (3х)