Кайтып йөрер балам дигән идең
Күптән кайта алмадым яныңа.
Үземнең дә бик сагынган чагым
Юлга чыга алмадым тагын да,
Юлга чыга алмадым тагын.

Кушымта:
Көтәсеңдер әнкәй гомерең буе,
Без яшәгәч төрле якларда.
Кайчак карыйсыңдыр тәрәзәң ачып,
Җил капкасын җилләр какканда.
Җил капкаң какканда.

Көтәсеңдер, әнкәй, иртән иртүк
Су буена казлар куганда.
Телисеңдер исән йөрегез дип
Су юлларын ялгыз узганда,
Су юлларын узганда.

Кайтып йөрер балам дигән идең
Күптән кайта алмадым яныңа.
Әнкәй, хәлең белеп кайтам әле
Безне сагынып көткән чагыңда,
Безне сагынган чагыңда.