Йист йоцу х1орд сана
Бу хьуна шорта
Ша хууш волчунна
Вай нохчийн мотт

Г1иллакхе, оьзда бу
Доттаг1че буьйцуш
Мостаг1че вист хуьлуш
Ду ира герз

Хьомечу езаре,
Безам ахь буьйцуш
Бека и, шех хуьлий
Хьа дега мерз.

Мерза бу моз санна
Ша безачунна
Ламанийн шовданел
Ц1ена бу и.

Селахьчу Даймахко
Шуьйра некъ Белла
Тахна вай ирсехьа
Г1улч туьйсуш ду

Кавказан лаьмнашкахь
эшаре баьлла
Вай дегнаш г1иттадеш
Нохчийн мотт бу!

Вай дегнаш г1иттадеш
Нохчийн мотт бу!