Музыка и стихи Касбота Кочкарова (Багъыр улу) (1834-1940).

...Айджаякъ, ала джаулугъунг
Ариу джарашады бойнунга.
Кёгюрчюн болуб сен къалсанг,
Сылай, тутар эдим къойнумда.

Кёзлеринг кёзюр ойнайла,
Сёзлеринг джюрек байлайла.
Ой! Сенден ариу болурму?
Сени къалай кёбле сайлайла.

Акътуякъ аджир берликме
Санга келечилик айтханнга.
Ой, джети джандет бош болсун,
Ой, сен ариуну табханнга!

Ойра, кёкге бачхыч салгъанма
Кёкде булутланы чачаргъа.
Манга эки къанат битгеед,
Айджаякъны алыб къачаргъа...

Сапран чабакъ а болгъаем
Ариу ёшюнюнгде джюзерге.
Ийилген алтын болгъаем,
Белинги уа буруб юзерге.

Мен таралама, ёлеме.
Сенге къайнайды сарыууум.
Сени мындан алыб къачаргъа,
Ой, джокъду мени да къарыууум...