МЕРЕКЕМ СЕН
Әні: Марат Ильясов     Сөзі: Құдайберген Қазыбеков

Махаббатым нәр бердің,
Жүрегіме, жаныма.
Ғұмырыма гүл ектің,
Арманыма, жолыма.
Қайырмасы:  
Жан шуағым, мерекем, 
Іздегенім сен екен.
Өзіңменен шаттанып, 
Кірер менің берекем.

Бақытым да сен болдың,
Мақсатым да аңсаған.
Болдым ынтық өзіңе,
Кездескелі мен саған.
    Қайырмасы.

Мөлдіреген көзіңді,
Пәктігің деп сенемін.
Сүйем деген сөзіңді,
Қуат етіп келемін.
    Қайырмасы.