Жиырма бесте мен дағы болып едім,
Үйде болмай бөтен жер қонып едім,
Сағындырған жиырма бес!
Шыққан мүйіз кәнікей соныменен, 
Сонадайға жетпейді қолым менің
Сағым қуған жиырма бес!

Қайырмасы:
Ән салатын, 
Тамсанатын,
Жеңгең ұрсып қарсы алатын
Ой, пәлі-ай, сағым қуған жиырма бес!
Жиырма бесте ағаларың, 
Күшті болған, балаларым
Ой, пәлі-ай, сағындырған жиырма бес!

Жиырма бесті мен дағы көріп едім,
Ақ моншақты әр жерден теріп едім,
Жырға толы, жиырма бес!
Шашбаулыға шашалып бар малымды
Сырғалыға жүректі беріп едім,
Сағым қуған, жиырма бес!

Қайырмасы: 
От болатын,
Шоқ болатын,
Бар болатын, жоқ болатын
Ой, пәлі-ай, жырға толы жиырма бес!
Түн ұйқысын
Төрт бөлетін,
Жанып кейде, өртенетін
Ой, пәлі-ай, сағым қуған, жиырма бес!

Жиырма бесті мен дағы өлең еттім,
Төрт сұлуды бір күнде керек еттім,
Сағындырған, жиырма бес!
Ұмытпадым сонда да ошағымды
Көрдіңдер ме, не деген кереметпін!
Сағым қуған, жиырма бес!