Ай-кояш йөзләре,
Кояшлы көзләре...
Табышкан, кавышкан
Пар былбыл үзләре.

 

Карлыгачкаем ла,
Сандугачкаем ла;
Сайратыр, ай, матур
Яр булгач янында.

 

Талчыбык билләре,
Бал кебек телләре;
Гөрләшкән, серләшкән
Пар былбыл үзләре.

 

Әйдер генәем,
Бәйдер генәем,
Юл булмый, туй булмый
Теләкләр теләми.

 

Бер генә дигәне —
Юктыр ла тиңнәре...
Уң булсын, гөл булсын
Бәхетле көннәре.

 

Аллары, гөлләре,
Гөлбакча илләре.
Уң булсын, гөл булсын,
Бер булсын серләре.