Соҕотох халлааҥҥа ый күлэр
Кини таһыгар кэрэ 
Сулус имнэнэ көрөр
Ахтыбыт санаабар нарын кыыс
Мичээрин курдук сылаастык 
Долгуйа сырдыыр

Эн кэпсээ сулус ыраахтан
Ыраах сылдьар сүрэҕим
Тапталым туһунан эн
Сулус истибиттии сонньуйда
Сүрэхпин кылыннарда 
Харахпар уу таһаарда
Мин истиҥ долгуйа үөрүөм
Тапталым күүстээҕин
Киниэхэ мин тиэрдиэм

Сулусчаан күлэр
Сырдыгынан тыгар
Чуҥкуйбут сүрэхпин
Уоскутардыы тутар

Барытын билэбин көрөбүн
Ыраах хайдах сылдьаргын
Миигин эн күүтэргин
Билинэбин эйиэхэ тапталбар
Барыма сүтүмэ эн
Мин ыра санаабыттан
Түүҥҥү санаабар кэрэ кыыс
Көмүс суолга үктэнэн
Тиийэн кэлэр халлаантан
Тэҥҥэ үөрсэр түүҥҥү халлааны
Күлэр үөрэр мин таптыыр
Халлаантан түспүт дьолум
Мин истиҥ долгуйа үөрүөм
Тапталым күүстээҕин
Киниэхэ мин тиэрдиэм