Яшьлегем кайтавазы (исполнитель: Асылъяр)
Яшьлегем кайтавазы Фасил Әхмәтов көе Гарифҗан Мөхәммәтшин сүзләре Ерак язлар аша Таныш казлар дәшә — Үткәннәрдән алар кайтаваз. Әмма синсез генә, Әмма минсез генә Болыннарга шаулап кайта яз. Инде утлар сүнгән, Моңлы сагыш иңгән Синең белән минем күзләргә. Кат-кат чәчәк атып, Сулган гөлләр ятып, Без калдырган серле эзләргә. Бер сандугач кына Өзелеп сайрый, тына, Белгән кебек уртак хисләрне. Пар аккошлар кебек Очып кына килеп, Кабатлыйк шул тиңсез кичләрне!