Ғашықтар жыры. 

Қасың қандай, қарақат көзің қандай,
Күлкің қандай, шарапат сезім қандай!
Қуанатын балаша кезің қандай,
Өзің қандай, жаныма сөзің балдай. 

Көңілге жыр тұнады сен дегенде,
Жүрекке сыр тұнады сен дегенде.
Кеудеме бір ғажайып шаттық орнап,
Өмір де құлпырады сен дегенде. 

Таңың қандай, жұлдызды бағың қандай,
Арың қандай, жібектей жаның қандай.
Көзің қандай, шуаққа шомылғандай,
Сезім қандай, тәңір де табынғандай!

Көңілге жыр тұнады сен дегенде,
Жүрекке сыр тұнады сен дегенде.
Кеудеме бір ғажайып шаттық орнап,
Өмір де құлпырады сен дегенде.