Рим Хәсәнов музыкаһы
Назар Нәжми шиғыры

Мине юлдар, юлдар саҡыра…
Саҡырған юл яҡын дуҫ кеүек;
Мине яҡын дуҫым саҡыра икән —
Алыс аралар ерҙә юҡ кеүек,
Саҡырған юл яҡын дуҫ кеүек.

Мине юлдар, юлдар саҡыра…
Китәһең, тип ауыр һулама.
Йөрәк Һағыштары, тоғро дуҫ кеүек,
Йылдар һәм юлдар аша һынала,
Китәһең, тип ауыр һулама.

Беззе  юлдар, юлдар саҡыра…
Юлдағылар юлда булһындар.
Тоғро дуҫтар кеүек ошо минуттар.
Беҙҙе һағынып көтөп торһондар,
Юлдағылар юлда булһындар!