Хаша талчнь өрдәд ирхлә 
Хойр чикм улана.
Хулд авсн шикр-балтам
Хавтхм дөргҗ күндрнә.

Барг ноха тосад гүүнә 
Бор hалус аңhана.
hанцхн иньгм нанас зулна,
Юңгад игәд бәәнәч?

Арвн цаhан хурhн нииләд
Альхн дотран наадна.
Авад ирсн шикр-балта
Амсад өс иднәч?

Барг ноха өргәд гүүнә
Бор hалус аңhана.
hанцхн иньгм нанас зулна,
Юңгад игәд бәәнәч?

әрәтә нимгн альчур
Ээм деер кииснә.
Авад ирсн шикр-балта
Амсад өс иднәч?

Барг ноха көшәд кевтнә,
Бор hалус аңhана.
hанцхн иньгм нанас зулна,
Юңгад игәд бәәнәч?