Ат қайда ақбақайдай шаппай желген,
Құдаша құда баланы-ай саулем-ай.
Ойнап күлген-ай, ахау арман-ай,
Алыстан ат арытып-ай жеткеніңді.
Шын ғашық шақыртпай-ақ ай сәулем-ай, 
Өзі келген-ай, ахау арман-ай.
А-а-а-ай саулем-ай, өзі келген-ай, ахау арман-ай. 

Мыс та алтын, жез де алтын-ай, алтын да алтын,
Адамда сөз болмайды-ай, саулем-ай.
Айтылмайтын-ай, ахау арман-ай,
Сыртынан атын естіп-ай жақтаған мен.
Табылмас нағыз алтын-ай, саулем-ай,
Жарқылдайтын-ай, ахау арман-ай. 
А-а-а-ай , саулем-ай, жарқылдайтын-ай, ахау арман-ай.