Күл карап озатты 
Торналар китүен; 
Сагынып көтә ул 
Кабат яз җитүен. 

Чылбырдай тезелеп, 
Кайтыгыз, торналар; 
Бу күлдәй камышлы 
Гүзәл күл кайда бар? 

Йөрмәгез боегып, 
Каңгырып чит илдә; 
Оялар корырсыз 
Яңадан шул күлдә. 

Чылбырдай тезелеп, 
Кайтыгыз, торналар; 
Бу күлдәй камышлы 
Гүзәл күл кайда бар? 

Туган як күле киң, 
Күңелләр күлдәй киң; 
Туган җир тормышы 
Шул гүзәл күлгә тиң. 

Чылбырдай тезелеп. 
Кайтыгыз, торналар; 
Бу күлдәй камышлы 
Гүзәл күл кайда бар?