-" Ess é qu'é amdjer de nôs terra 
Firme moda rotcha na meio de mar 
Ess é qu'é amdjer de nôs terra 
Qu'fidje na costa ta tchora sodade 

Ma sempre c'mon na sê enxada 
Cidim c'sol cascode ô meia-note 
Ta crrê campe ta luta ta sofrê 
Pa cria fidje c'pai ô sem pai 
Ta guenta qu'ês gente e tude qu'ês bedje 
Qu'ta intchi caspa gatcha de fome 

Ess é qu'é amdjer de nôs terra 
Nôs or nôs pitrol nôs riqueza 
Ess é qu'é amdjer de nôs terra 
Nôs sodade nôs cretcheu 
Luz de nôs vida 

Retratode e pintode na rotcha 
Tchorode e cantodpa mar 
Quémode de sol sotode pa vente 
Ma sempre ta espia pa lua 

Ess é qu'é amdjer de nôs terra 
Nô levanta'l pa tude mundo oia 
Nô pô'l na peite nô sinti'l nô ama'l 
Nô canta'l na nôs morna 
Na nôs batuque e coladeira 
Pa universo inter f'ca ta sabê 
Qu"ess é qu'é amdjer de nôs terra 
Ess é qu'é amdjer de nôs terra .