Эгэтын-Адаг
хүг. Анатолий Андреевэй 
үг. Гунга Чимитовай

Элдин дэлгэр уужам Буряадайнгаа
Эльгэн дээрэ тайбан нэмжыһэн,
Эгэтэмнай бидэ олоноо
Эхэ эсэгэдэл энхэрээ.
Эртэ сагһаа Яруунадамнай
Энхэ манай түүхэ эхилээ.

Дабталга:
Энэл даа, Эгэтын-Адаг,
Эжэл һайхан түрэл Хангира,
Ашата Маарагта нютаг,
Алад саагуур нэрэнь ханхинаа.

Байгал далайн наанаш, саанаш дуулаг:
Баян дэлюун Яруунадамнай
Байха бүхэ шэнги хүсэтэй
Баатарнууднай сууда гаранхай.
Гомбоевой хурдан улаандал
Гоё хүлэг морид түрэнхэй.

Дабталга

Үдэ голой хойто эрье дээрэ
Үнэн үгэ урдань заяагдаа - 
Монголшуудай дээдэ гарбалтай
Молон баабайн найдал оршомой,
Түхэригхэн энэ Добомнай
Түбхинэхэнь мүнхэ болтогой!

Дабталга