Мөнир Иҡсанов 
“  Салауаттың   еттек   йәштәренә !”
 Салауаттың   еттек   йәштәренә  – 
Егерме лә ике йәштәбеҙ!
Тиңдәштәре булһаҡ  Салауаттың ,
Ҡаһарманға (Салауатҡа) беҙ тиң йәштәрме?!

Салауаттың   еттек   йәштәренә !
Бармы арабыҙҙа  Салауат?
Салауаттай аҫыл уландарын
Тыуҙырамы бөгөн Сал Урал?!

Салауаттың   еттек   йәштәренә !
 Салауаттар  кәрәк бөгөн дә!
Илебеҙҙең яҡты киләсәге
Шундай аҫыл ирҙәр иңендә!

Салауаттың  етһәң  йәштәренә ,
Йыртып ҡара һин үҙ күкрәгең:
Батыр ҡаны һиндә ағамы ла,
Уныҡына ишме йөрәгең?!.