ГӘЛИЛӘҮ ГЕНӘЙЕМ... 

Башҡорт халыҡ йыры

Бейе әйҙә, бейе әйҙә, 
Аяҡтарың талмаһын. 
Гәлиләү генәйем, генәйем, 
Гәли-гәли гәлиләү генәйем.

Уйнап әйткән һүҙҙәремә 
Хәтерҙәрең ҡалмаһын. 
Гәлиләү генәйем, генәйем, 
Гәли-гәли гәлиләү генәйем. 

Һикереп-төшөп бейегәндә 
Аяҡтарың талмаһын.
Гәлиләү генәйем, генәйем, 
Гәли-гәли гәлиләү генәйем.

Байрамға килгән ҡунаҡтар
Бейемейсә ҡалмаһын.
Гәлиләү генәйем, генәйем, 
Гәли-гәли гәлиләү генәйем.

Төрлө милләт йәшәй беҙҙә,
Һөйләшә үҙ телендә.
Гәлиләү генәйем, генәйем, 
Гәли-гәли гәлиләү генәйем.

Матур, татыу, дүҫ йәшәйбеҙ
Башҡортостан илемдә.
Гәлиләү генәйем, генәйем, 
Гәли-гәли гәлиләү генәйем.