Пер'і.... 
Падаюць пер'і... 
На зямлю, 
На далоні мае. 
Белыя крылы - 
Хлусня. 
Чорныя крылы - 
Зямля… 

Крылы ўзняць, 
Вабіць і ззяць, 
Пер'і ссыпаць - 
Не белыя - чорныя. 

Абпаленыя пялёсткі... 
У гняздзе - бусла косткі. 
Крылы чарней ночы, 
Крумкач па попелу скоча! 

Не былі ніколі зямлі пад белымі крыламі. 
Хлусня! 
Крывёй набрыняла зямля гэтая. 

Плач. 
Горач. 
Крумкач. 
Роспач! 

Больш не гучыць 
Бусліны клёкат - 
Па-над зямлёй 
Пануюць крумкачы.